Сапар Узденов Сюйсенг мени (Сюйме мени)

Текст песни "Сапар Узденов — Сюйсенг мени (Сюйме мени)"

Муз. и сл. Сапара Узденова.

Кесинге айтыргъа базмасам да бу сагъышны,
Мен айтама ма суратынга...
Кесиме уа мен нек айтама бу къаргъышны,
Термиле тургъанлай къатынга?

Сюйме мени!
Сюйме мени!
Сюйме, тилейме, мени,
Насыблы эталмам мен сени...

Бирча тюлме мен ингир бла, не эртден бла -
Хар бири башхады кёзюме!
Бирча тюлме мен шайтан бла эм Аллах бла -
Хар бири башхады кёзюмде!

Сюйме мени!
Сюйме мени!
Сюйме, тилейме, мени,
Насыблы эталмам мен сени...

Ма ол элтеди, хар джайда сюйюб, арыб,
Элтир сени джылы тенгизлеге.
Менлей болмаз, анда ачха, мадар да барды
Чачынгы ачха бла эшерге.

Сюйме мени!
Сюйме мени!
Сюйме, тилейме, мени,
Насыблы эталмам мен сени...

"Огъай, манга къуру сенича быллай адам,
Хо, керекди, кетмечин", - десенг,
"Къуру сени бла мен болуб турлукъма", - деб,
Манга таулуча, тауча сёлешсенг",

Сюйсенг мени, сюйсенг мени,
Минги тауну башында джырладан къала саллыкъма,
Атына да атынгы атарыкъма,
Атына да атынгы атарыкъма.

Ма ол къала кёкден кючню ала билир да,
Кюч берир бютеу къарыусузгъа.
Ма ол къала кёкден нюрню таба билир да,
Нюр себер бизни джуртубузгъа.

Сюйсенг мени! Сюйсенг мени,
Ол бир дуняда да мен джырладан къала саллыкъма,
Атына да атынгы атарыкъма,
Атына да атынгы атарыкъма.