Алим Газаев Джарыкъ той

Текст песни "Алим Газаев — Джарыкъ той"

муз. и сл. народные

Кенг арбаз адамдан толгъанды -
Барады джарыкъ той.
Джер джерде къазан атылгъанды,
Союлады кёб къой.
Насыб кёбдю, къууанч уллуду -
Барады таулу той.

Бютеу бери джыйылгъанчады,
Элде къызла,джашла.
Алай а мен кишини кёрмейме,
Джангыз сенден башха.
Кёзюме киши кёрюнмейди
Бир кесингден башха.

Эки кёзюм сендеди мени,
Сендеди джюрегим.
Сени табсам, башха джокъ эди
Джашауда тилегим.
Джангыз сенсе, джангыз кесингсе
Къууанчым, джюрегим.

Бу той бизники болуб къалса,
Нечик иги эди.
Манга сау дуния той болгъанча,
Кёрюнюрюк эди.
Ой, бу той бизни болуб къалса,
Нечик иги эди.

Кенг арбазда къууанч барады,
Гюрюлдеб джарыкъ той.
Ариучугъум, кесиме къара,
Сен башхаланы къой.
Джюрек дарманым, менге къара,
Сен башхаланы къой.