Алим Газаев Малкъар (life)

Текст песни "Алим Газаев — Малкъар (life)"

муз. и сл. Альберта Узденова

Джюрегимгде пелиуанлыкъ джашагъан,
Ариулугъу сюймекликге ушагъан,
Тау намысы ушаб тауда акъ къаргъа...
Джаным къурман болсун джуртум Малкъаргъа!

Припев:
Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Зар кёз тие кёк суууна,ташына,..
Ариулугъу душман бола башына,
Таш башында амал табхан джашаргъа,
Джаным къурман болсун таджал Малкъаргъа!

Припев.

Тешдиртмеген тинин зорлукъ садакъа,
Сюргюнде да тилемеген садакъа,
Дерт тутмагъан Аллах берген къадаргъа,
Джаным къурман болсун шыйых Малкъаргъа!

Припев.

Джаным саудан ачхан джандет эшигим,
Ёлсем,рахат джукълар топуракъ бешигим,
Ата Джуртум,Ана Сютюм,Къадарым-
Джаным къурман болсун санга,Малкъарым!

Припев.