Бағлан Әбдірайымов Дүние жалған [

Текст песни "Бағлан Әбдірайымов — Дүние жалған ["

ДҮНИЕ ЖАЛҒАН

Әні: Жарылқасын Дәулет
Сөзі: Біржан Байтуов

Саған да бір зат жетпейді,
Маған да бір зат жетпейді,
Аранын ашқан дүние
Қабірден ары өтпейді.

Тоқтамай шауып күнімен,
Тоқтамай шауып түнімен.
Анаған жағам деп,
Мынаған жағам деп,
Махшар адам боп беттейді.

Жас кезде көңіл көктейді,
Қартайса солған шөп дейді.
Маңдайға жазған несібе
Тепсең де кері кетпейді.

Түсінбей соны көп пенде,
Дүниеге қолы жеткенде.
Ісініп, тасынып,
Әлсізді басынып,
Имандылықтан, ей, шеттейді.

Бір істі бір іс септейді,
Біреуді біреу ептейді.
Біріне-бірі адамдар
Мейірім неге төкпейді?

Өтеді жалған бес күнің,
Қалмайсың мәңгі ешбірің.
Иманмен көктеуге,
Сыйласып өткенге,
Жалғанда бақыт, оу, жетпейді.