МС БАШ Бул минең Яҙым!

Текст песни "МС БАШ — Бул минең Яҙым!"

Меңәрләп саҡрымдар булһа ла аралар,
Тәрән, уңалмаҫ булһа ла яралар.
Эшләсе һин дә бер аҙым,
Һин бит минең туймаҫ наҙым,
Был йырым һиңә яҙам,
Бул минең яҙым!

Йыһандан эҙләйем һинең күҙҙәрең,
Йондоҙҙарҙан төҙөймөн молэйем йөҙҙәрең.
Шул ҡараш йылыта мине тик һалҡын көҙҙәрен,
Аллаһ ҡасан күрәм инде ҡабаттан үҙҙәрен?
Ваҡыт һәм аралар түгел кәртә миңә,
Яҙҙарым да күп булды, осраманы һиңә тиңе.
Йөрәк һаман ышана, тик яңғыҙ күңелем шиңә,
Беләм яуаплы тойғолар, һәм улар еңә!

Ваҡыттар үтә килә, уңалһын яралар,
Яҙмыш ҡушhа ине шулай, яҡынайhын аралар.
Тик аҙаша күрмә йәнем, юлланаң икән ҡаршыма,
Йәнем тип hөрән hалырмын, тулы hөйөү, hағышыма.
Меңәрләп саҡрымдар булһа ла аралар,
Тәрән, уңалмаҫ булһа ла яралар.
Эшләсе һин дә бер аҙым,
Һин бит минең туймаҫ наҙым,
Был йырым һиңә яҙам,
Бул минең яҙым!