АСАН ҚЫЗЫМА...

Текст песни "АСАН — ҚЫЗЫМА..."

Тұла бойым тұңғышым жаным менің,
Көкіректе таусылмас әнім едің.
Бойжетсең де қызым-ау көрінесің,
Кіп-кішкентай көзіме әлі менің.

Көңілдің дара шыңы,
Өмірдің бар асылы.
Өзіңсің қызым менің,
Көзімнің қарашығы.

Ақ маңдайлы бақытым гүлім сенсің,
Жарып шыққан жүректі жырым сенсің.
Ата-анаңнан алыстап барасың сен,
Қайда жүрсең көздерің күлімдесін.

Ашылсын алдан бағың,
Талмасын қанаттарың!
Айтатын тілек біреу –
Жар болсын Жаратқаным!

Ата салтын ақ жолын жасайыншы.
Қоса ағар деп жұбыңа қосайыншы.
Ақ тілекпен өзіңді шығарып сап,
Жақсы хабар сен жақтан тосайыншы!

Көңілдің дара шыңы,
Өмірдің бар асылы.
Өзіңсің қызым менің,
Көзімнің қарашығы.