Сервер Какура Сабалар хайыр

Текст песни "Сервер Какура — Сабалар хайыр"

Qarşımda tura dağ ile bayır,
Küneş doğa onıñ artından.
Merhaba, deyim men, sabalar hayır,
Elâllıq sorayım anamdan.

Ne güzel yaşamaq ana-Vatanda,
Sabası aqşamı pek güzel.
Uyansañ, közüñni açaraq tañda,
Yüzüñi ohşasa hafif yel.

Merhaba, dey maña özen ve çayır,
Merhaba, Vatanım, sabalar hayır!
Merhaba, dep meni özüñe çağır,
Merhaba, milletim, sabalar hayır!

Merhaba, deyim men uyansam saba,
- Ya merhaba, - deyler yaylalar,
Olardan kele akis em de seda.
Çiçek sallay selâmlap dağlar.

Ne güzel yaşamaq ana-Vatanda,
Sabası, aqşamı pek güzel.
Uyansañ, közüñni açaraq tañda,
Yüzüñi ohşasa hafif yel.