Филүс Гәрәев Белорет-Шишмә юлы

Текст песни "Филүс Гәрәев — Белорет-Шишмә юлы"

Муса Сиражи шиғыры

Киңлектәрҙе айҡап-байҡап,
Талпына бөркөт үрҙә.
Шул бөркөттәй ярһыу йәшлек
Ҡанатын йәйә ерҙә.

Урман яра, тау аҡтара
Йәштәрҙең көслө ҡулы.
Ҡалаларҙы тоташтыра (Йөрәктәрҙе ҡауыштыра),
Белорет – Шишмә юлы,
Белорет – Шишмә юлы.

Крандарға көндөҙ ҡояш,
Кисен йондоҙ, ай ҡуна.
Төнгө уттар әүерелә
Алһыу таңға яй ғына...

Урман яра, тау аҡтара
Йәштәрҙең көслө ҡулы.
Ҡалаларҙы тоташтыра (Йөрәктәрҙе ҡауыштыра),
Белорет – Шишмә юлы,
Белорет – Шишмә юлы.

Ут кеүектәр ир-егеттәр,
Ҡыйыуҙар бында ҡыҙҙар.
Күҙҙәрендә уйнай нурҙар,
Яңғырай дәртле йырҙар.

Урман яра, тау аҡтара
Йәштәрҙең көслө ҡулы.
Ҡалаларҙы тоташтыра (Йөрәктәрҙе ҡауыштыра),
Белорет – Шишмә юлы,
Белорет – Шишмә юлы.